Truh jơ năr âu, rim tơdrong jang hơmet ăn tơdrong pơjao - iŏk lĭnh hlôi đei dôm tơring, anih jang hơmet ăn đang bơih; đe hơdruh tơdăm năm pơm ƀô̆ đô̆i kŭm hlôi hơmet tôm ăn năr năm pơm ƀô̆ đô̆i. Lơ̆m ‘măng rơih pơm ƀô̆ đô̆i sơnăm 2024, tơ̆ Dak Lak đei 2.553 ‘nu kon pơlei đei gơh năm pơm ƀô̆ đô̆i. Đĭ đăng đei jơhngơ̆m pran ‘lơ̆ng ngăl vă pơvih pơvăn lơ̆m khŭl lĭnh.

Lơ̆m kơ sô̆ âu, đei 3 ‘nu drŏ kăn, 4 ‘nu ‘noh đảng viên, 120 ‘nu đei hŏk đại học, cao đẳng, păng trung cấp. Lơ hơdruh tơdăm hlôi chih hla ar apĭnh năm pơm ƀô̆ đô̆i. Khei ‘năr âu ki, Khŭl vei lăng tơdrong jang khŭl lĭnh rim tơring hlôi năm ngôi apĭnh jet gia, asong tơmam, chă hơlen lăng, băt hơdăh jơhngơ̆m đon tơchĕng, ‘meh vă, pơlung dôm kon pơlei hơdrol kơ năm pơm ƀô̆ đô̆i.