Khul pơtrŭt choh jang sa pơlei pơla tŏk bŏk iung jang hơdoi hăm kon pơlei tơgoăt choh jang sa hăm hơnih mơdro sa păng hơnih tĕch mơdro. ‘Nou jĭ tơdrong iŏk đei jơnei đei Hơnih tơm vei lăng Choh jang sa păng Atŏk tơ iung tơring tơrang tơbăt hơdăh tơ̆ “Hop akŏm pơtôch jang kiơ̆ 2 sơnăm tơlĕch jang Tơdrong jang jang Atŏk iok đei jơnei tơdrong jang bơ̆ jang pơtrŭt choh jang sa ‘moi kiơ̆ tơlĕch jang khul pơtrŭt choh jang sa pơlei pơla” đei pơgơ̆r lơ̆m năr 2/8, tơ̆ pơlei tơm Pleiku - dêh char Gia Lai.  2 sơnăm ou ki, hloh 5.000 khul pơtrŭt choh jang sa pơlei pơla hlôi iung jang hơdoi păng pơgơ̆r kơhrĕng lăm pơtho tơbăt atŏk tơ iung tơmam drăm, tơklep hăm jang kiơ̆ 14 tơdrong vă jang pơtrŭt choh jang sa. Kiơ̆ đơ̆ng noh, tơgŭm ăn atŏk tơ iung đei tơmam drăm ‘lơ̆ng sơđơ̆ng tĕch mơdro tơ̆ teh đak đe ăn 500 héc-ta ƀa, 300 héc-ta ‘long sa plei, 150 héc-ta chehphe tơ̆ lơ dêh char, pơlei tơm. Jei lơ̆m 2 sơnăm ou ki, Khul jang pơtrŭt choh jang sa pơlei pơla hlôi pơgơ̆r 46 ‘măng tơgoăt tĕch răt tơmam drăm ăn 2.100 ‘nu kon pơlei jang ƀa; tơgŭm tơgoăt jang hơdoi, tĕch răt tơmam drăm choh jang sa tơ̆ rim dêh char tơring tŏk bŏk.