Đăk Lăk jing minh lơ̆m 12 dêh char, pơlei tơm đei Anih tơm Kŏng an rơih jing tơring pơgơ̆r Lêh tơbang anih tơm kơ jơ̆p teh đak. Tơ̆ dêh char Đăk Lăk đei hloh 9.000 kon pơlei vang jang lơ̆m khul vei sơđơ̆ng tơpôl tơ̆ tơring đơ̆ng năr 1/7.

Năm akŏm lêh tơbang khul jang vei sơđơ̆ng tơpôl tơring tơ̆ Đăk Lăk, Trung tướng Lê Quốc Hùng – Thư̆ trưởng Anih tơm Kŏng an ră hơdah tơdrong kăp gĭt kơ tơring teh Đăk Lăk – Tây Nguyên păng tơdrong kăp gĭt kơ sơnong jang vei sơđơ̆ng tơpôl tơ̆ tơring, tơgop vei sơđơ̆ng kơjăp tơpôl kon pơlei, anih dơ̆ng kơjăp lơ̆m tơdrong jang “Tôm kon pơlei vei sơđơ̆ng tơpôl teh đak”. Thư̆ trưởng Anih tơm Kŏng an Lê Quốc Hùng ră hơdah, minh ƀar sơnong jang tơm hăm khul jang vei sơđơ̆ng tơpôl tơ̆ tơring păng dôm anih jang tơ̆ dêh char Đăk Lăk.