Đei pơgơ̆r đơ̆ng dang ei truh năr 10/12, Giĕng lêh Tơmang pơhiơ̆ pơlei tơm HCM sơnăm 2023 hăm dôm tơdrong jang hơkŏp joh ayŏ kơdŏ suang, tơplŏng kơdâu đei pơih să gah tơdrong jang pơtruh ăn tơdrong hơlen băt kăp gĭt ăn tơmoi lơ̆m pơyan lêh akŏm hơtuch sơnăm.

Lơ̆m khei năr âu, tơ̆ pơlei tơm Thủ Đức păng dôm kuâ̆n, apŭng tơlĕch lơ tơdrong akŏm kiơ̆ pơkăp um ai kăp gĭt kơ tơring nhen: tơdrong akŏm “Um ai kơmăng”, “ ‘Năr huăng tơ̆ đak krong grasia” (Kuâ̆n 1), Nhà Bè – Rơbâu năr 1 kơmăng. Giĕng lêh Tơmang pơhiơ̆ pơlei tơm HCM sơnăm âu oei tơguăt hăm tơdrong pơlong Miss Earth 2023. Rim hơdruh guăng ‘lơ̆ng đơ̆ng lơ teh đak lơ̆m kơpal teh hrŭk ao tai Việt Nam, pơrok chă tơmang tơ̆ pơlei tơm HCM lơ̆m dôm năr akŏm Giĕng lêh âu.