Hăm hơnăn “Hơdruh tơdăm ;pơm jŭk yuk trong hơlau iung jang kơ yuơ tơdrong hơrih sa kơ kon pơlei pơla”, tơdrong pơgơ̆r au đei lơ tơdrong jang nhen: Khăm jĭ, ƀơk pơgang ăn kon pơlei ƀuôn Drang Phôk, tơring Krông Na; pôk ăn kon jên hok pơhrăm Kon mŏm ƀô̆ đô̆i vei lăng sơlam teh đak; pôk ăn tang vang ăn hŏk tro dơnuh hŏk hơgei; pôk ăn kon jên tơmơt jang sa ăn hơdruh tơdăm; ming man 1 tŏ hnam ‘mêm mơnat păng 1 tŏ hnam chă pơyơ̆ng ăn kơ oh.

Pơgơ̆r iung jang rim khul yŭk hơlau; Tơplih kơsô̆ păng vei lăng sơđơ̆ng trong nơnăm. Vang iung jang ming man Rup man Ƀok Hô hăm Ƀô̆ đô̆i vei lăng sơlam teh đak ... Atŭm hăm ‘nŏh, khei năr au, Hơnih Đoàn dêh char Dak Lăk hlôi pôk ăn 20 hlak hla kak “Hưch hanh minh hơbon bri kông” ăn Mir pơgar Teh đakYok Đôn hăm rim Kơđông ƀô̆ đô̆i vei lăng sơlam teh đak: Yok Đôn, Bo Heng păng Sêrêpốk. Năm ngôi, pôk tơmam drăm ăn ŭnh hnam ƀô̆ đô̆i tŏk bŏk bơ̆ jang vei lăng sơlam teh đak. Akop kon jên iung bơ̆ jang ‘măng mă au ‘noh hloh 400 triu hlak jên.