Vang năm pơlong đei 19 khul đơ̆ng dôm anih jang đoan tơ̆ apŭng, thĭ xah, pơlei tơm păng anih jang đoan nai. Hăm 3 tơdrong pơlong đei: Hơdruh tơdăm gơh hơgei, hơdruh tơdăm hlôh vao păng hơdruh tơdăm tơroi tơbăt, dôm khul pơlong atŭm vang akŏm tơl nơ̆r apinh trăk ngĭm kiơ̆ trư̆k tuyê̆n, pơdah joh hơri vă tơroi khul pơlong păng tơdrong pơlong, pơlong pơm tông tơroi hơdah gah minh ƀar tơdrong tơchơ̆t lơ̆m Luơ̆t vei sơlam teh Việt Nam păng dôm tơdrong tơchơ̆t đơ̆ng khôi luơ̆t tơrĕk truh sơlam teh.

Lơ̆m tơdrong pơlong adoi đei pơgơ̆r ‘măng chŭng kêt hơdrô̆ đơ̆ng 4 ‘nu pơlong. ‘Nâu jing dôm bơngai pơlong hơgei hloh lơ̆m kơsô̆ jê̆ 83 rơbâu ‘nu bơngai pơlong đơ̆ng blŭng đei pơgơ̆r lơ̆m 4 giĕng hơdrol kơ noh (đơ̆ng năr 8/1 truh năr 3/2/2024).