Tơ̆ hop akŏm, ƀok Lý Minh Thái – Kơdră Anih jang Pơgang Hơmet jĭ jăn Gia Lai đei 64/67 bơngai tang măt pôk jang lơ̆m Anih jang vei lăng kon pơlei dêh char Gia Lai. Hơdrol kơ noh, ah tong hơnê̆ khei 3/2024, ƀok Thái đei Anih jang vei lăng kon pơlei dêh char Gia Lai pôk jang Kơdră Anih jang Pơgang Hơmet jĭ jăn. Ƀok Lý Minh Thái rơneh sơnăm 1974, hŏk gah ƀak sih chuyên khoa II; kap kâ̆p lĭ luâ̆n chĭnh trĭ, jang gah pơgang hơmet jĭ jăn đơ̆ng sơnăm 1998 tơ̆ Anih jang Pơgang hơmet jĭ jăn apŭng Chư Păh.

Adoi lơ̆m ‘măng hop akŏm âu, 100% ‘nu tang măt lơ̆m Hô̆i đŏng kon pơlei dêh char Gia Lai drơ̆ng nơ̆r athei pơdơh kơ jang kơchư̆k Kơdră Anih jang gah Kon kông (lơ̆m Hô̆i đŏng kon pơlei dêh char) păng athei pơdơh jang tang măt lơ̆m Hô̆i đŏng kon pơlei dêh char hăm yă Đinh Thị Giang kơyuơ pơm glăi tơchơ̆t gah dôm tơdrong mă đảng viên ưh gơh pơm; pơm glăi dôm tơchơ̆t gah vei lăng, iŏk yua jên mong mong tang găn păng tơjră pơrang jĭ Covid-19 tơ̆ Anih jang MTTQ Việt Nam.