Hơkăn Tổng Bí thư vang năm Hop akŏm tanh mei joăt joe ASEAN ‘măng mă 9 tơ̆ Lào
Thứ năm, 13:58, 07/11/2024
VOV/Amazưt tơblơ̆
VOV/Amazưt tơblơ̆
VOV4.Bahnar - Sơng iok nơ̆r krao hơvơn đơ̆ng yă Naly Sisoullith, Hơkăn Tổng Bí thư, Kơdră chĕp pơgơ̆r teh đak Lào Thonglloun Sisoulith, yă Ngô Phương Ly, Hơkăn Tổng Bí thư Tô Lâm hlôi năm tơmang teh đak Lào păng vang Hop akŏm Tanh mei joăt joe ASEAN ‘măng mă 9 hăm hơnăn “Kơhret kơjăp tơgoăt tơgoăl Tơpôl ASEAN ‘moi kiơ̆ tơdrong oei sa ‘lơ̆ng rŏ păng tanh mei” đơ̆ng năr 03/11 truh năr 06/11/2024.
Pơma dơnuh hăm rim bơngai tang măt vang năm Hop akŏm, yă Ngô Phương Ly hôn bơnê kơtang tơdrong gĭt kăl kơ Hop akŏm Tanh mei joăt joe ASEAN ‘măng mă 9 adoi nhen tơdrong ‘lơ̆ng rŏ, gĭt kăl kơ rim tơmam drăm đei pơdă tơ̆ Hop akŏm ‘măng mă ou. Yă hmach chơt hơ iă ăn kơ Lào hăm hơnăp jang Kơdră chĕp pơgơ̆r ASEAN hlôi pơgơ̆r jơnei rim tơdrong jang, mă kăl ‘noh rim ‘măng Hop akom Kơdră kơpal kơ ASEAN, sơkơ̆t hơdăh tơdrong pơgơ̆r keh kong Hop akom Tanh mei joăt joe gô tơgop lơ̆m jang keh đang trong bơ̆ jang kơ sơnăm pơm Kơdră chĕp pơgơ̆r ASEAN, pơjing rơvơn atŏk kơtang năm ngôi dih băl, jang sa hơdoi dih băl ƀar păh kon pơlei rim teh đak ASEAN, adoi iung jang ‘lơ̆ng păng vei răk tơƀăk mong tơdrong jang tanh meh joăt joe kơ rim teh đak.
Viết bình luận