Tơ̆ jơ bơ̆ jang, lơ bơngai tang măt drơ̆ng nơ̆r hăm tơdrong pơgơ̆r hop akŏm, pơma hơdăh ‘nâu jĭ tơdrong ‘nao đơ̆ng Kuô̆k hô̆i jăl XV, tôch gĭt kăl, jĭ 1 lơ̆m dôm trong jang vă Kuô̆k hô̆i, bơngai tang măt Kuô̆k hô̆i, anih tang măt ăn kon pơlei tơ̆ tơring dăr lăng đơ̆ng hrôih, đơ̆ng hơtăih tơdrong pơgơ̆r jang kiơ̆ dôm kơluơ̆t, tơdrong tơchơ̆t đĭ đei Kuô̆k hô̆i drơ̆ng nơ̆r.

Pơma pơtôch jơ bơ̆ jang, Kơdră Kuô̆k hô̆i Vương Đình Huệ drơ̆ng nơ̆r krao hơnăn hop akŏm ‘nŏh jĭ "Hop akŏm lơ̆m tĕh đak tơlĕch khôi luơ̆t, tơdrong tơchơ̆t đơ̆ng Kuô̆k hô̆i jăl XV". Hop akŏm yoa Anih chĕp kơ̆l pơgơ̆r Kuô̆k hô̆i pơgơ̆r hăm Khul kơdră tĕh đak, MTTQ Việt Nam, Anih tơm sek tơlang, Anih tơm dăr hơlen, tơkêng tơdrong yoch, Anih jô̆ hơlen jên tĕh đak păng plt Hải Phòng – anih vă pơgơ̆r hop akŏm âu. Hop akŏm vă pơgơ̆r kơtă păng pơih pơdăh trư̆k tuyê̆n lơ̆m 1 năr.