Tơ̆ jơ bơ̆ jang, dôm bơngai tang măt pơma hơdăh tơdrong gĭt kăl đơ̆ng pơgơ̆r Hop akŏm. ‘Nâu jĭ ‘măng mă 2 hop akŏm lơ̆m tĕh đak găh tơdrong jang dăr lăng đơ̆ng Quốc hội păng Anih chĕp kơ̆l pơgơ̆r Quốc hội đei pơgơ̆r ăn ƀôh tơdrong lăp ‘lơ̆ng mưh tơlĕch jang tơdrong dăr lăng đơ̆ng Quốc hội păng hơnhăk ăn tơdrong đei yoa tôch hơđăl, vang tơgop pơm hơtŏk tơdrong ‘lơ̆ng, đei yoa, sĭt pran đơ̆ng bơ̆ jang dăr lăng kơ Quốc hội.

Pơma tơ̆ jơ hôp, Kơdră Quốc hội Vương Đình Huệ athei Tổng thư ký Quốc hội, Kơdră Anih pơvih ăn Quốc hội chih akŏm tôm nơ̆r pơma tơgop, hơmet mă ‘lơ̆ng ăn tơdrong pơgơ̆r hop akŏm. Kơdră Quốc hội Vương Đình Huệ pơma hơdăh, hop akŏm athei hơlen năng dôm tơdrong jang đei mư̆h bơ̆ jang dăr lăng sơnăm 2023, đơ̆ng noh chih iŏk tơdrong kăl vă bơ̆ jang đei yoa ƀiơ̆ lơ̆m sơnăm 2024.