Pơgê năr 7/7 tơ̆ hơnih bơ̆ jang Khul kơdră Teh đak, Ƀô̆ trương, Kơdră chĕp pơgơ̆r Hơnih bơ̆ jang ăn Khul kơdră Teh đak Trần Văn Sơn bơ̆ jang hăm Hơnih tơm vei lăng trong gre nơnăm găh pơtôch tơlĕch jang kiơ̆ bơ̆ jang dăr lăng tơdrong bơ̆ jang păng sơđơ̆ng kơtơ̆ng ang tơgŭm ăn bơ̆ jang chĕp pơgơ̆r, pơrô̆ jang đơ̆ng Khul kơdră teh đak, Thủ tướng Teh đak.

Pơma pơtôch jơ bơ̆ jang, Ƀô̆ trương, Kơdră chĕp pơgơ̆r Hơnih bơ̆ jang ăn Khul kơdră Teh đak Trần Văn Sơn athei, Hơnih tơm vei lăng trong gre nơnăm atŏk kơtang hơmet pơ ‘lơ̆ng rim tơdrong tơchơ̆t, trong bơ̆ jang; tơtom hơmet pơ ‘lơ̆ng tơhlăk tơhlĭn, tơnap tap lơ̆m bơ̆ jang pơm tơlĕch, tĕch mơdro păng hơrih sa kơ kon pơlei; jang keh đang rim trong vă jang hơmet ming hlôi đei kơdră kơpal kĭ tơchơ̆t sơđơ̆ng bơ̆ jang ‘lơ̆ng rim trong tơlĕch jang. Lăng ba kơjăp kăt tơjur, hơmet pơ ‘lơ̆ng trong bơ̆ jang vă iŏk đei jơnei dôm tơdrong jang kơ Hơnih jang trong gre nơnăm.