Iung pơma pơgơ̆r blŭng hop akŏm, Kơdră chĕp pơgơ̆r Kuô̆k hô̆i Trần Thanh Mẫn pơma hơdăh: 10 tơdrong vă pơjing khôi luơ̆t đei ăn tơgop nơ̆r ‘măng hop akŏm ou găh lơ̆m lơ tơdrong đei tơpôl lăng truh, nhen Khôi luơ̆t Công đoàn (hơmet ming); Khôi luơ̆t Thuê̆ kơjă tŏk măt (hơmet ming); Khôi luơ̆t mŭk drăm joh ayŏ gĭt kăl dăr sơnăm (hơmet ming), Khôi luơ̆t Pơprŏ tơring kơdrơ̆m păng pơprŏ tơring choh jang sa, Khôi luơ̆t tang găn, pĭt ŭnh sa păng dŏng tơgŭm. Kơdră chĕp pơgơ̆r Kuô̆k hô̆i pơma hơdăh, Hơnih tơm Chinh trĭ ‘nao pơjing Tơdrong tơchơ̆t 178 găh vei lăng tơdrong kĕ jang tang găn sa pơgơ̆m pơjĭp, tơdrong yoch lơ̆m bơ̆ jang tơ iung pơjing khôi luơ̆t, athei rim kơdră jang lơ̆m Hơnih bơ̆ jang chĕp pơgơ̆r Kuô̆k hô̆i tơbăt hơdăh hơnăp jang, jơhngơ̆m đon, ưh kơ veh ver pơm kơhret dôm tơdrong pơm ăn hiong răm mŭk drăm teh đak. Adoi tơbăt, iŏk đơ̆ng sơnăm 2025 gô pơgơ̆r Hop akŏm khôi luơ̆t, vă pơma dơnuh mă brĕ hloh dơ̆ng lơ̆m bơ̆ jang tơ iung pơjing khôi luơ̆t.