Tơ̆ Hop akŏm, ƀok Hầu A Lềnh, Ƀô̆ trương, Kơdră chĕp pơgơ̆r Hơnih vei lăng kon kông sơkơ̆t hơdăh, ‘ngoăih dôm tơdrong jang đei ƀơm truh Tơdrong jang Teh đak atŏk tơ iung mŭk drăm-tơpôl tơring kon kông păng groi kông jăl jang 2021-2030, hrei au, Hơnih bơ̆ jang vei lăng kon kông oei tơlĕch jang lơ tơdrong jang anai nhen: Tơdrong jang tơgŭm hăm dôm bơngai kon pơlei yom; Tơdrong jang: Tơjur kơtang iŏk ŭnh om hrôih, iŏk hơgăm lơ̆m tơring kon kông”; Tơdrong vă jang “tơgŭm djru hơtŏ hơnơ̆ng drŏ nglo drŏ kăn tơring kon kông jăl jang 2018-2025”; Jang kiơ̆ mĭnh ƀar Tơdrong tơchơ̆t đơ̆ng Khul kơdră Teh đak găh bơ̆ jang vei lăng kon kông ...

Jei kiơ̆ đơ̆ng ƀok Hầu A Lềnh, Bô̆ trương, Kơdră chĕp pơgơ̆r Hơnih vei lăng kon kông, Tơdrong tơchơ̆t 88 đơ̆ng Kuô̆k hô̆i hlôi tơƀôh hơdăh 8 tơdrong jang kăl lơ̆m bơ̆ jang vei lăng kon kông, lơ̆m au đei tơdrong jang iung jang kiơ̆ jơnei Tơdrong jang Teh đak atok tơ iung mŭk drăm-Tơpôl tơring kon kông păng groi kông, 7 tơdrong jang uơ oei tôch gĭt kăl, ưh kơ gơ̆h kơ lon.