Chĕp pơgơ̆r Hop akŏm đei Kơ iĕng Thủ tướng Teh đak Trần Lưu Quang hăm Kơdră chĕp pơgơ̆r Hơnih bơ̆ jang vei lăng Kon Kông Hầu A Lềnh.

Iung pơma pơrô̆ hop akŏm, Kơ iĕng Thủ tướng Teh đak Trần Lưu Quang hôn bơnê kơtang dôm tơdrong hơdrin păng iŏk đei lơ̆m bơ̆ jang vei lăng kon kông sơnăm au ki. Mă lei, ‘ngoăih dôm tơdrong iŏk đei jơnei hơ iă, tơring kon kông păng groi kông oei đei lơ tơdrong tơnap tap, tơdrong lomg păng lơ tơdrong kăl hơnơ̆ng xek tơlang lơ̆m khei năr hrei au. Kơ yuơ lơ loh, Kơ iĕng Thủ tướng Teh đak athei khei năr kơnh rim Hơnih tơm, hơnih jang, tơring kăl lăng ba kơjăp hlŏh dơ̆ng bơ̆ jang vei lăng kon kông, lơ̆m au kăl jang ‘lơ̆ng trŏ lăp hăm tơdrong oei sa joăt joe păng tơdrong đei yan au kiơ̆ tơring. Atŏk kơtang bơ̆ jang pơrô̆ pơrôp, pơtho tơbăt pơm tơplih jơhngơ̆m đon hlôh vao, iung jang kơ kon pơlei vă kơ dih đe sư hơdrin hloh dơ̆ng; ưh kơ put, ưh kơ mơ̆ng khul kơnê̆ chă pơhlŭ pơdôr.