‘Nau ‘noh minh lơ̆m dôm tơdrong jang lơ̆m tơdrong pơm lêh pôk pơ ư sơnăm 2023 kơ yuơ Hơnih bơ̆ jang vei lăng Kon kông pơm tơm, iung jang hơdoi hăm Hơnih tơm vei lăng Hnam trương pơtho pơhrăm, Trung ương Đoàn Hơdruh tơdăm cộng sản Hồ Chí Minh pơgơ̆r lơ̆m 2 năr ‘noh năr 25 păng 26/12.  

Sơnăm au, akŏp măt bơngai hŏk tro, sinh viên, hơdruh tơdăm kon kông đei rơ̆ih pôk pơ ư ‘noh 143 ‘nu oh găh 51 hơdrung, lơ̆m au đei 12 hơdrung găh rim hơdrung hơrih sa tơnap tap hloh. Rim đe oh ‘noh dôm bơngai hŏk tro kon kông iŏk đei jơnei dơ̆ng Hơlau, dơ̆ng mă Ƀar, mă Pêng lơ̆m ‘măng pơlong hŏk tro hơgei teh đak, ‘măng pơlong khoa hŏk kih thuơ̆t lơ̆m teh đak, dăh mă đei krao tơmơ̆t hŏk hloi rim hnam trương đăi hŏk, hŏk viện, đei điêm đơ̆ng 28 điêm năm tơ̆ lơ kiơ̆ hơlen lơ̆m 3 môn lăng hơlen krao tơmơ̆t hŏk đăi hŏk; jĭ dôm bơngai hơdruh tơdăm kon kông gơ̆h hơgei lơ̆m rim tơdrong jang dăh mă kơ yuơ tơring tơƀôh ăn, tơbăt ăn…