Hop akŏm đei pơgơ̆r vă mơ̆ng, tơgoăt iŏk nơ̆r tơgop lơ̆m 2 tơdrong vă pơjing hla bơar tơbăt ‘noh hơlen pơtôch bơ̆ jang tơ iung pơjing Đảng 5 sơnăm (2021 - 2025) păng hla bơar tơbăt hop akŏm pơtôch 15 sơnăm jang kiơ̆ Điều lệ  Đảng. Kơ yuơ lơ loh, Hơnih jang ‘meh vă lơ̆m pơma dơnuh mă tơpăt, hơtŏ hơnơ̆ng, drơ̆ng mĭnh nơ̆r kơtang, mă kăl hăm dôm tơdrong hle, tơdrong mơmat tat. Đơ̆ng noh, tơgop, tơ iung pơjing, pơjing đei drơ̆ng mĭnh nơ̆r trong bơ̆ jang kơ Đảng găh atŏk tơ iung teh đak jăl jang 2026 - 2030, lăng truh sơnăm 2045; tơgop hơnơ̆ng tơmơ̆t dơ̆ng, tơlĕch hlôh vao kơ Đảng bơ̆n găh chủ nghĩa xã hội păng trong yak truh Chủ nghĩa xã hội tơ̆ teh đak bơ̆n. Tơ̆ hop akŏm, kơdră tang măt Hơnih bơ̆ jang Đảng dêh char rim dêh char Tây Nguyên hlôi iung pơma, tơgop lơ tơdrong kăl kơ dêh char păng kơ tơring.