Hơnih Radiô Nơ̆r Pơma Việt Nam oei tơ̆ Tây Nguyên iŏk đei 5 tơmam hơpăh Chih kơtơ̆ng ang dêh char Dak Lăk
Thứ bảy, 16:19, 15/06/2024
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Pơgê năr 14/6, Hơnih vei lăng kon pơlei dêh char Dak Lăk pơgơ̆r Pơm lêh pôk hơpăh Tơmam hơpăh Chih kơtơ̆ng ang dêh char Dak lăk sơnăm 2023. Jơnŭm chĕp pơgơ̆r tơmam hơpăh Chih kơtơ̆ng ang dêh char Dak lăk hlôi pôk ăn 55 tơdrong rapor, ƀai chih ‘lơ̆ng hơ iă hloh lơ̆m 5 tơdrong. Hơnih Radiô Nơ̆r Pơma Việt Nam oei tơ̆ Tây Nguyên iŏk đei 5 tơmam hơpăh lơ̆m tơdrong rapor, lơ̆m au đeu 1 tơmam hơpăh A.
Tơmam hơpăh chih kơtơ̆ng ang dêh char Dak Lăk ‘măng mă ou đei 90 tơdrong pơlong găh 5 tơdrong ‘noh ƀăo in, ƀăo điên tư, rapor, tivi păng rup chih kơtơ̆ng ang kơ rim bơngai, khul chih vang pơlong.
Kiơ̆ đơ̆ng Hơnih pơgơ̆r, rim ƀai pơlong sơnăm ou đei chih hơlen, tôch brĕ tơbăt hơdăh găh tơdrong hơrih sa lơ̆m tơring. Tơbăt hơdăh tơdrong hơdrin yak hloh tơnap tap kơ lơ bơngai, tơpôl kang ƀô̆ đang viên vă atŏk tơ iung mŭk drăm, tơpôl, vei sơđơ̆ng dơ̆ng kơjăp tơring, sơđơ̆ng hơrih sa kơ rim pơlei pơla. Lơ ƀai chih hlôi tơbăt hơdăh đei ƀôh tơdrong, pơchoh trong, pơjing hơyak ‘lơ̆ng ăn lang să jơp jang dôm tơdrong jang sa pran kơtang gơh hơgei păng rim tơdrong lơ̆m hơrih sa kơ kon pơlei pơla.
Viết bình luận