Pêng sơnăm au ki, khul kơdră Đảng, Kơdră chĕp pơgơ̆r Kŏng ang rim hơnih hlôi ƀôh hơdăh kơtang, jang kiơ̆ tôm tong tơdrong kăl lơ̆m hŏk pơhrăm păng jang kiơ̆ jơhngơ̆m đon ‘lơ̆ng trong bơ̆ jang hơgei kơ Ƀok Hô păng Tơdrau nŏr Ƀok Hô pơtho hăm bơ̆ jang tơ iung pơjing Đảng, tơ iung pơjing khul Kŏng ang kon pơlei.

Iung pơma pơtôch Hop akŏm, Đại tướng Tô Lâm - Kơdră chĕp pơgơ̆r Hơnih tơm Kŏng ang athei khul kơdră đảng, kơdră chĕp pơgơ̆r Kŏng ang rim hơnih kăl hơnơ̆ng pơgơ̆r ‘lơ̆ng rim tơdrong hop akŏm chinh trĭ hŏk pơhrăm, pơm kiơ̆ jơhngŏm đon ‘lơ̆ng, trong bơ̆ jang hơgei kơ Ƀok Hô păng Tơdrau tơdrong Ƀok Hô pơtho; tơlĕch jang kiơ̆ jơnei trong pơrô̆ jang đơ̆ng Tổng Bí thư Nguyễn Phú Trọng găh pêng tơdrong kăl ‘noh “hŏk pơhrăm”, “kơrŭn đĭ jơhngơ̆m jang kiơ̆, pơm kiơ̆” păng “Pơm jŭk yŭk trong hơlau” lơ̆m hŏk pơhrăm, jang kiơ̆ Tơdrau tơdrong Ƀok Hô pơtho păng lơ̆m bơ̆ jang tơ iung pơjing, hơmet ming Đảng kiơ̆ trong hơdrin, hơnơ̆ng, jơnoi, jơ̆p jang, lơ̆m dôm tơdrong lơ liơ.