Lơ̆m jăl 3, khul Kŏng ang hlôi iung jang dăr lăng ƀôh hloh 10.000 ‘măng pơm glăi găh sơđơ̆ng tơpôl, phă pơrăm 23 khul pơm yoch, xek tơlang vă jê̆ 20.000 ‘nu bơngai yoch. Khul kŏng ang jei akŏm atŏk kơtang iung jang dăr lăng rim tơdrong pơm glăi găh mŭk drăm, sa pơgơ̆m pơjĭp kơ yuơ Hơnih chĕp pơgơ̆r Trung ương găh tang găn, tơjră tang găn sa pơgơ̆m pơjĭp, tơdrong yoch au to dăr lăng păng pơrô̆ jang.

Lơ̆m jăl jang, ƀôh 197 ‘măng đe pơm glăi hăm 435 ‘nu bơngai yoch sa pơgơ̆m pơjĭp. Hơnih tơm Kŏng ang jei tơlĕch jang kiơ̆ kơtang rim nơ̆r pơrô̆ jang đơ̆ng Khul kơdră Teh đak găh tang găn ŭnh sa pĭt ŭnh sa păng dŏng tơgŭm. Hơnih tơm hlôi pơrô̆ athei kŏng ang rim hơnih, tơring atŏk kơtang vei lăng sơđơ̆ng tang găn ŭnh sa, pĭt ŭnh sa păng dŏng tơgŭm ăn “hnam oei akŏm mini”, hnam ăn đe oei đei lơ bơngai oei…