Kiơ̆ hla bơar pơtruh ăn ou, Hơnih vei lăng kon pơlei dêh char athei Jơnŭm vei lăng kon pơlei dêh char lăng hơlen, hơmet ming pơm tơjur mĭnh ƀar tơdrong vă jang kon jên tơmơ̆t jang jăl jang 2021-2025. Tơdrong tơm kơ yuơ kon jên thuê̆ ăn hơnih mong jên bơ̆ jang dêh char tơjur kơtang truh rơbou ti hlak jên, ưh kơ kĕ vă tơlĕch tôm kon jên ăn rim tơdrong vă jang. Akŏp pơprŏ tơmơ̆t jên jang teh đak sơnăm 2025 kơ dêh char Dak Lăk ‘noh dang 9.316 ti hlak jên đơ̆ng kon jên bơ̆ jang. Lơ̆m ou, kon jên dêh char tơlĕch ăn 4.569 ti hlak jên. Mă lei, thuê̆ ăn hơnih mong jên bơ̆ jang kơ dêh char jăl sơnăm 2021-2025, tơdra hơdrol gô tơjur hloh 2.000 ti hlak jên kơna tơnap mă sơđơ̆ng ăn tơlĕch tơmơ̆t jên jang lơ̆m jăl jang 2021-2025. Hơnih vei lăng kon pơlei dêh char athei Jơnŭm vei lăng kon pơlei dêh char lăng hơlen, hơmet ming pơm tơjur mĭnh ƀar tơdrong jang tim mă tơlĕch jang, kiơ̆ tơdrong ‘meh vă yan ou păng kiơ̆ Tơdrong tơchơ̆t đơ̆ng Jơnŭm vei lăng kon pơlei dêh char.