Hăm jơhngơ̆m đon hơdrin kơtang, khei ‘năr tơ jê̆ âu, khŭl lĭnh Kŏng an Dak Nông hlôi hơnơ̆ng jang đei dôm jơnei iung jang tang găn pơm glăi. Ƀôh hơdăh ‘noh, hlôi rôp vei 2 ‘nu bơngai yua hla ar yăh đơ̆ng anih jang păng ăn đe tŏk iŏk jên hăm jên cheh lơ tŏk truh 1080%/sơnăm, iŏk yua glăi 5 ti hlak jên; iung jang rôp vei, tơkêng 2 ‘nu yua kơmăy kơmŏk ‘nao hơlĕnh tơ gar iŏk mŭk drăm kiơ̆ lơ̆m mạng đơ̆ng hloh 1.000 ‘nu kon pơlei lơ̆m teh đak; iung jang 2 ‘măng rôp vei, tơkêng 3 ‘nu tĕch mơdro tơmam kơ̆m, thu iŏk hloh 660kĭ hơmlăi đôh kŭm hăm lơ tơmam nai.

Kiơ̆ đơ̆ng noh, tơgop vei lăng tơdrong sơđơ̆ng, đei rim kơdră anih jang chih iŏk, lăng ‘lơ̆ng, kon pơlei lui ‘mêm. Chih iŏk păng pôk pơ ư dôm jơnei jang đei hơgei hloh, Anih tơm vei lăng Kŏng an hlôi đei tơchơ̆t pôk hơpăh 18 khŭl grŭp kơ Kŏng an dêh char Dak Nông.