Hop akŏm Anih jang Mŭk drăm hơtŏk tơ-iung kơjăp sơđơ̆ng (VCSF) 2023 đei hơnăn “Tơdrong pơlong jơk kơpal teh: Đơ̆ng trong tơlĕch jang truh jang tĕch pơdro kơjăp sơđơ̆ng”. Hop akŏm đei hloi 'Măng pơma đam đei pơgơ̆r ah pơgê păng 'Măng akŏm tôm pơgơ̆r ah kơsơ̆ atŭm 'năr. Dôm tơdrong tơm đei pơma đam tơ̆ Hop akŏm sơnăm âu noh: hơtŏk tơplih unh hơyuh kơjăp sơđơ̆ng; hơtŏk kơtang tơdrong jang mŭk drăm tơnăp; pơjing tơdrong jang sơđơ̆ng jơk...

Hop akŏm jing trong hiôk vă jơnŭm jang mŭk drăm pơma dơnuh, tơlĕch dôm trong jang đei tơrĕk truh hơtŏk tơdrong tơgar jang, hơtŏk tơ-iung kơjăp sơđơ̆ng kơ anih jang mŭk drăm pơma hơdrô̆ păng kơ teh đak pơma atŭm. Hop akŏm đei 250 'nu tang măt vang năm akŏm kơtă păng pơhlom 300 'nu tang măt akŏm kiơ̆ trŭk tuyê̆n đei hloi tang măt ăn dôm anih jang, tang măt ăn dôm anih jang tơbôl teh đak đe păng jơnŭm jang mŭk drăm lơ̆m jâ̆p teh đak, dôm bơngai juăt jang păng dôm anih chih kơtơ̆ng ang, tơroi tơbăt.