Pơma pơgơ̆r hop akŏm, Bơngai jang lơ̆m Anih tơm Chĭnh trĭ, Chĕp kơ̆l pơgơ̆r Ban Bí thư, Kơdră Anih pơgơ̆r Trung ương Trương Thị Mai tơbăt, năr akŏm Tơgoăt tơgoăl đei pơgơ̆r rim sơnăm hlôi pơm tơdrong 1 jơhngơ̆m đon, hơtŏk ‘lơ̆ng jơhngơ̆m đon jang tơnăp đơ̆ng rim kon pơlei, tơpôl.

‘Nâu kŭm jing jơnei kơplăh hơdrin ưh kơ đei pơdơh đơ̆ng MTTQ Việt Nam iŏk đơ̆ng pơjing truh dang ei, tơgop ăn tơdrong jang rơngei hơdrĕch hơdrŭng, rơngei teh đak, tơdrong jang pơjing păng vei lăng teh đak. Yă Trương Thị Mai pơma hơdăh; Năr akŏm ‘noh jĭ tơdrong jang hơdăh ‘lơ̆ng, đei yua păng hlôi sơng đei tơdrong jang tơgŭm, să sap, lơ lap hloh đơ̆ng rim răih kon pơlei; hơtŏk đei tơdrong pơm tơ ‘ngla đơ̆ng kon pơlei hăm hơnăp jang tơm chĭnh trĭ đơ̆ng Mặt trận lơ̆m pơjing grŭp tơgoăt tơgoăl đĭ đăng hơdrĕch drŭng.