Hop akŏm atŏk tơiung đảng viên lơ̆m anih jang kơdih tơ̆ tơring Tŏk bŏk -Tây Nguyên
Thứ bảy, 09:23, 20/05/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Kơsơ̆ (19/5), tơ̆ plt Quy Nhơn, dêh char Bình Định, Anih pơgơ̆r Trung ương jang hơdoi hăm Anih jang đảng dêh char Bình Định pơgơ̆r hop akŏm găh tơdrong atŏk tơiung đảng viên lơ̆m anih jang kơdih tơ̆ tơring Tŏk bŏk - Tây Nguyên.
Yă Trương Thị Mai, Kơdră jang lơ̆m Anih tơm Chinh trĭ, Kơdră chĕp kơ̆l Ban Bí thư, Kơdră Anih pơgơ̆r Trung ương pơgơ̆r hop akŏm âu. Đơ̆ng sơnăm 2020 - 2022, 16 dêh char, plt tơ̆ tơring Tŏk bŏk - Tây Nguyên tơmât đei 2.363 ‘nu đảng viên lơ̆m anih jang kơ dih, kơsô̆ đảng viên đei tơmât tŏk kiơ̆ sơnăm.
Pơma tơ̆ hop akŏm, yă Trương Thị Mai akhan, trong jang atŏk tơiung đảng viên lơ̆m anih jang kơdih đei đơ̆ng sơ̆ bơih mă lei dang ei bơ̆ jang oei pơmat tat. Yă Trương Thị Mai athei, tơ̆ hơnăp kơnh, dôm tơring pơjing tơdrong ‘lơ̆ng ăn anih tĕch mơdro kơdih atŏk tơiung đảng viên; hơlen năng rim tơdrong vă đei trong jang lăp ‘lơ̆ng hăm yăn âu.
Viết bình luận