3 khei blŭng sơnăm, kơjă tơmam drăm lơ̆m dêh char Đăk Lăk đei hloh 12.300 tih hlj, tŏk 3,5% pơtêng hăm khei năr âu sơnăm hơdrol ki, tơmơ̆t lơ̆m jên mong hloh 2.390 tih hlj, hơtŏ 34,2% sơkơ̆t mă trung ương pơjao, dôm tơmam drăm tơm tĕch ăn teh đak đe tŏk lơ, tơmam tĕch ăn teh đak đe đei jê̆ 500 trĭu đôlar Mih, tŏk hloh 29% pơtêng hăm khei năr âu sơnăm sơ̆.

Pơma ah hop akŏm, Ƀĭ thư Tĭnh uy Nguyễn Đình Trung ăn tơbăt, mŭk drăm tơpôl kơ dêh char đei dôm tơdrong hơtŏk ‘lơ̆ng, mă lei adoi oei đei lơ tơchơ̆t tam mă đei jơnei tơnăp. Khei năr truh, dêh char kăl sơkơ̆t hơdah sơnong jang tơm, trong jang tơnăp tơguăt hăm hơvơn pơm jang đei yua dôm tơdrong jang pran. Atŭm hăm noh tơƀôh hơdah trong jang trŏ ƀlep hăm tơdrong kĕ đei kơ tơring, anih jang vă đe kơdră kơpal pơgơ̆r jang đei jơnei tơchơ̆t tơlĕch jang sơnăm 2024”.