Ƀok Tổng Bí thư Tô Lâm ăn tơbăt ah hop akŏm mă âu, Trung ương pơma đam tơgop nơ̆rhăm 5 tơdrong, lơ̆m noh đei 3 grŭp tơdrong jang kăp gĭt noh: Sơkơ̆t tơdrong pơm kiơ̆ Tơchơ̆t 18 đơ̆ng Trung ương gah tơplih 'nao, hơmet bot 'lơ̆ng jơnŭm pơgơ̆r chĭnh trĭ, pơm jang đei jơnei tơnăp; Tơchơ̆t iŏk yua GDP sơnăm 2025 đơ̆ng 8% tŏk tơ̆ kơpal; Tơdrong jang kang ƀô̆ kiơ̆ sơnong jang đơ̆ng Trung ương; tơroi hơlen lăng tơdrong pơgơ̆r jang đơ̆ng Anih tơm Chĭnh trĭ, Ƀan ƀĭ thư lơ̆m sơnăm 2024; tơroi gah tơdrong hơlen jang sơnăm 2024 păng tơdrong hơlen pơm jang sơnăm 2025.

Gah tơdrong pơm kiơ̆ Tơchơ̆t 18, Ƀok Tổng bí thư Tô Lâm ră hơdah, âu jĭ tơdrong tơm hloh kơ Hop akŏm 'măng mă âu. Anih tơm Chĭnh trĭ, Ƀan ƀĭ thư hlôi pơgơ̆r jang kơjăp mlơ̆m tơlĕch pơm kiơ̆ Tơchơ̆t 18 păng sơkơ̆t tơdrong jang kơ jơnŭm pơgơ̆r 'nao kiơ̆ pơkăp "kơdâu rah pơtăng rah" ưh đei hăt hot, vei sơđơ̆ng trŏ nhen tơchơ̆t kơ Đảng, tơchơ̆t pơgơ̆r jang đơ̆ng Trung ương.