Sơnăm 2024, Anih tơm pơgơ̆r Linh Kanh sat kơ đŏng hlôi jang tơnăp tơdrong tơgŭm ăn kơ Đảng, Teh đak, Đảng uy Kŏng an Trung ương, đe kơdră Anih tơm Kŏng an gah tơdrong jang kơ khul linh vei sơđơ̆ng tơpôl teh đak, vei sơđơ̆ng tơpôl lơ̆m tơring, vei kơjăp sơđơ̆ng dôm tơchơ̆t, dôm tơdrong kăp gĭt kơ teh đak; dôm khul kơpal đơ̆ng teh đak đe năm tơmang păng pơm jang tơ̆ Việt Nam. Kơdră teh đak ră hơdah, sơnăm 2025 jĭ sơnăm kăp gĭt hloh, jĭ sơnăm pơgơ̆r hop akŏm đảng ƀô̆ dôm jăl jang pơkăp truh Hop akŏm mă 14 kơ Đảng păng dôm tơdrong chĭnh trĭ, joh ayŏ kăp gĭt kơ teh đak.

Kơyuơ noh, sơnong jang kơ khul Kanh sat kơ đŏng lơ̆m sơnăm 2025 păng dôm sơnăm pơtoi kơ noh trăp trĭn tơpă. Vă pơm trŏ sơnong jang lơ̆m chăl jang 'nao, Kơdră teh đak bơ̆n pơgơ̆r khul Kanh sat kơ đŏng pơtoi hơlen, băt hơdah, tơlĕch pơm jang tơnăp dôm tơchơ̆t jang kơ Đảng, khôi luơ̆t teh đak gah vei sơđơ̆ng tơpôl teh đak, vei sơđơ̆ng tơpôl lơ̆m tơring păng pơjing khul jang hơbĕch hơbal lơ̆m chăl 'nao dang ei.