Kơvang pơkao đơ̆ng Khŭl chih chư “Ling lang ƀlŏk bơnê kơ ƀok kơdră Hồ Chí Minh pran kơtang". Hăm jơhngơ̆m đon băt bơnê tôch kơdêh, Khŭl tang măt hlôi kŭp kơ̆l ƀlŏk hơdơ̆r kơ Ƀok Hồ, bơngai chĕp kơ̆l gơh hơgei, Nuih mơng rơngei hơdrĕch hơdrŭng. Bơngai hlôi plang đĭ jơhnơr hơrih ăn kon pơlei, ăn teh đak, chông ba Đảng bơ̆n, kon pơlei bơ̆n pơm đei dôm jơnei ang hơdăh, pơm hơiă hơdrĕch hơdrŭng bơ̆n, teh đak bơ̆n.

Đang kơ ‘noh, Khŭl tang măt Khŭl kơdră chĕp kơ̆l pơgơ̆r Trung ương Đảng, Kơdră teh đak, Quốc hội, Khŭl kơdră teh đak, Anih jang Trung ương Mặt trận Tổ quốc Việt Nam hlôi năm dan kơvang pơvang păng soh plang nhang ƀlŏk hơdơ̆r kơ đe Lĭnh nuih mơng lôch dŏng teh đak tơ̆ Hơnih man ƀlŏk hơdơ̆r kơ đe Lĭnh nuih mơng lôch dơ̆ng teh đak, trong Bắc Sơn.