Hơnih gre dơ̆ng kơ dêh char Đắk Lắk dang ei tŏk bŏk kĭ hla ar pơtruh 180 tong gre đơ̆ng 35 anih jang găh gre chơ tơmoi, chơ tơmam, kơdâu tơ̆ 24 tŏ trong năm tơ̆ dôm dêh char găh tơring Tŏk bŏk păng păih Tu.

Iŏk đơ̆ng khei 12/2024, anih jang hlôi athei đĭ đăng dôm tơ ‘ngla anih jang sa kĭ pơkăp pơm kiơ̆ trong chơ tơmoi păng tơmam trŏ ƀlep hăm tơdrong hơgăt đơ̆ng 2 anih tơm vei lăng trong nơnăm gre kơdâu păng jên hu. Mă hơdăh, hăm dôm trong đơ̆ng Đắk Lắk năm tơ̆ dôm dêh char đơ̆ng Nghệ An năm tơ̆ ‘ngoăih, yă vĕ păng tơmam tŏk ưh kơ hloh 50%; dôm trong đơ̆ng Hà Tĩnh năm hơlơ̆k, ưh gơ̆h tŏk lơ hloh 40%. Khei ‘năr tơmơ̆t yua đơ̆ng 17/1 – 10/2/2025 (vă khan ‘năr 18 khei 12 âm truh 12 khei mônh âm).