Hop akŏm pơma đam gah tơdrong jang đei jơnei lơ̆m pơm kiơ̆ Tơchơ̆t Hop akŏm bơngai tang măt jơ̆p teh đak kơ Măt trâ̆n tôh kuôk Việt Nam ‘măng mă 9, jăl jang 2019 - 2024, tơlĕch trong jang, sơnong pơm jang kơ Măt trâ̆n tôh kuôk Việt Nam lơ̆m jăl jang ‘nao. Pơm kiơ̆ tơchơ̆t "kon pơlei băt, kon pơlei pơđăp, kon pơlei jang, kon pơlei hơlen, kon pơlei vei, kon pơlei yua", lơ̆m jăl jang âu ki, Anih jang Trung ương Măt trâ̆n tôh kuôk Việt Nam hlôi pơgơ̆r akŏm đei 31 khul jang hơlen vă pơgơ̆r hơlen kiơ̆ tơdrong juăt jang; Anih jang Măt trâ̆n tôh kuôk Việt Nam dôm jăl jang tơ̆ tơring hlôi pơgơ̆r, jang hadoi hơlen đei 231 rơbâu tơdrong. Pơm jang gah pơma xa lơ̆m tơpôl tơgop chĕp vei sơnong pơtơm kơ kon pơlei lơ̆m tơdrong jang hơtŏk mŭk drăm – tơpôl.

Tơdrong hơlen, pơma xa kơ Măt trâ̆n tôh kuôk, mă kăl noh athei gơnơm lơ̆m kon pơlei, iŏk jang kơjăp tơdrong vang jang, tơgop đơ̆ng kon pơlei. Athei đei trong jang vă kon pơlei chă hơlen tơlĕch nơ̆r pơma.