5 sơnăm ou ki, jang kiơ̆ Kơthơ pơkăp Hop akŏm ‘măng mă III, bơ̆ jang kon kông, rim tơdrong jang, trong tơgŭm djru kon kông đei dêh char Kon Tum tơlĕch jang kiơ̆ jơnei hơ iă. Mă kăl ‘noh ‘Măng pơrô̆ “Pơm tơplih jơhngơ̆m đon tơchĕng, trong jang sa kơ kon kông, pơm ăn kon pơlei kon kông hơdrin yak hloh dơnuh hin kơjăp  ‘lơ̆ng” tơgŭm hlok 15.300 ŭnh hnam dơnuh, vă jê̆ dơnuh hơdrin yak hloh dơnuh kơjăp ‘lơ̆ng. Đơ̆ng kon jên kơ rim Tơdrong jang, dêh char Kon Tum hlôi tơmơt jên jang ming hơmet, pơm ‘nao hloh 1.160 trong hnam tơ̆ tơring kon kông tơgŭm ăn kon pơlei đei rơvơn lơ̆m choh jang sa, atŏk tơ iung mŭk drăm păng hơrih sa. Hop akŏm hơnơ̆ng sơkơ̆t hơdăh trong bơ̆ jang đơ̆ng Đảng păng Teh đak găh kon kông păng tơgoăt tơgoăl hơdrĕch hơdrung. Hop akoưm pôk pơ ư, pôk bơnê 11 khul, 25 ‘nu bơngai ‘lơ̆ng, hơgei lơ̆m bơ̆ jang vei lăng năng tông kon kông, trong jang tơgŭm djru kon kông.