Khei ‘năr âu ki, dêh char Gia Lai hlôi adrin pơjing luơ̆t păng tơlĕch lơ trong jang lơ̆m dôm tơdrong vă pơ ‘nhŏ hơdrol nhen choh jang xa, pơtho pơhrăm, jang pơgang, chă tơmang lăng păng jên hu. Lơ anih tĕch mơdro hlôi jang kiơ̆ kơmăy sô̆ lơ̆m tơdrong jang xa nhen chih tơroi thuê̆ hăm điên tư, pơm hoă đơn hăm điên tư păng kla jên ưh đei kla hăm jên măt. Dôm tơmam đơ̆ng choh jang xa, tơmam OCOP kơ dêh char kŭm đei tĕch hăm kơmăy điên tư…

Tơ̆ jơ hop akŏm, dôm bơngai tang măt pơma nuh găh 1,2 tơdrong ƀơm truh tơdrong jang xa păng tơdrong ‘mĕh vă đơ̆ng tơmam drăm, trong jang hăm kơmăy sô̆ vă tưk tơiung dôm tơdrong pơ ‘nhŏ jang hơdrol đơ̆ng dêh char Gia Lai; tơdrong ‘mĕh vă tơplih hăm kơmăy sô̆ đơ̆ng anih tĕch mơdro iĕ păng păh lăp; ki-ốt chih măt khăm hơlen jĭ hăm kơmăy; chih tơbăt dôm trong jang vă pơm hơtŏk kơjă tơmam.