Pơtơm hop akŏm, Phŏ Kơdră Huỳnh Thị Xuân Lam, Phŏ kơdră Jơnŭm jang ‘Long pơglang brê Việt Nam sơkơ̆t hơdah: Hop akŏm ‘măng mă âu sơkơ̆t tơdrong kơ-‘nôh hơdrin đơ̆ng hơdruh tơdăm dôm Jơnŭm jang apŭng plenh teh lơ̆m tơdrong jang ‘mêm bơnat; sơnong jang tih tên mă khul hơdruh tơdăm ‘Long pơglang brê – Khei pơnĭl brê tơring Châu Á-Thái Bình Dương kơchăng iŏk jang vă sek tơlang dôm tơdrong oei tơlĕch.

Tơ̆ hop akŏm, rim bơngai tang măt ăn hơdruh tơdăm tơring Châu Á-Thái Bình Dương atŭm pơma đam gah dôm tơdrong tơrĕk roi năr roi ưh kơ ‘lơ̆ng đơ̆ng ‘mi kial, răm đơ̆ng pơrang jĭ păng dôm tơdrong kăl jang ‘mêm bơnat lơ̆m kơpal teh; dôm tơdrong pơtrŏ, tơplih ‘nao pran kơtang kơ Jơnŭm jang ‘Long pơglang brê teh đak.