Tơbang kơsơ̆p săch đơ̆ng ƀok Tổng Bí thư Nguyễn Phú Trọng gah “Chĕp vei juăt jue tơguăt tơguăl kon pơlei, pơjing teh đak roi năr roi pơdrŏng pran kơtang, gơh hơgei jơnap” Ƀĭ thư Trung ương Đảng, Kơdră Anih jang Trung ương Măt trâ̆n tôh kuôk Việt Nam Đỗ Văn Chiến ră hơdah: Kơsơ̆p săch hơƀơ̆l 747 hlak, đei 3 apăng hăm lơ tơdrong kăp gĭt gah đon tơchĕng pơma xa păng tơdrong jang tơpă, jing "trong jang" ăn kan ƀô̆ lơ̆m anih jang Măt trâ̆n, dôm jăl jang đảng, kan ƀô̆ đảng viên, kon pơlei hơlen iŏk pơm jang.

Hăm Kơsơ̆p săch  “Pơjing păng hơtŏk tơdrong jang tơbôl Việt Nam tôm tơdrong, gơh hơgei, ƀenh kơ um ai tơm kram Việt Nam” đơ̆ng ƀok Tổng Bí thư Nguyễn Phú Trọng, Kơdră jang tang măt – Sơnong jang Kơdră Hŏk viê̆n Ngoại giao (Anih tơm jang Tơbôl) Phạm Lan Dung ăn tơbăt, kơsơ̆p săch jing dôm đon tơchĕng pơgơ̆r jang đơ̆ng ƀok Tổng Bí thư đei chih akŏm đơ̆ng tơdrong jang tơpă, sơkơ̆t tơdrong hlôh vao hơgei, tơdrong pơgơ̆r kơjăp, tôm tơdrong đơ̆ng ƀok Tổng Bí thư hăm tơdrong jang tơbôl kơ Việt Nam.