Tơƀôh trong vă jang hơdoi tơ̆ hơnăp kơnh, Thủ tướng pơma hơdăh dơ̆ng 1,2 tơdrong, đei 1 tơdrong jang tơm. Lơ̆m noh, tơdrong jang tơm jĭ hơtŏk hlŏh dơ̆ng tơdrong ‘lơ̆ng, đei yoa mưh jang hơdoi đơ̆ng 2 păh. Mă 2, tơrek truh tơdrong arih xa găh tơmam drăm păng jơhngâm đon ăn bơngai jang. Hơtŏk tơdrong pơma nuh kơ khul tơpôl, kăl hlŏh jĭ găh jên khei, jên hơpăh, jơnăr bơ̆ jang, jơ pơdơ̆h, vei sơđơ̆ng mưh bơ̆ jang; tơgŭm ăn dôm bơngai pơmat tat, bơngai tơ̆ tơring hơtăih yăih, tơring sơlam, achon kông tơ̆ đak dơsĭ.

Thủ tướng pơma hơdăh, athei hue lăng truh tơ̆ hnam oei ăn bơngai jang. Mă 3, athei vei lăng ‘lơ̆ng tơdrong đei yoa trŏ luơ̆t ăn bơngai jang kiơ̆ Khôi luơ̆t tơm, luơ̆t oei yoa dang ei păng kiơ̆ trong jang, tơdrong tơgŭm đơ̆ng Đảng. Hơtŏk tơdrong dăr lăng mưh bơ̆ jang kiơ̆ trong tơgŭm, khôi luơ̆t đei ƀơm truh tơdrong đei yoa đơ̆ng đe đoàn viên, bơngai jang păng khul công đoàn.