Pơma pơtôch hop akŏm, ƀok Nguyễn Văn Thể, Bí thư Anih jang Đảng Grŭp dôm anih jang Trung ương athei dôm kơdră đảng, khŭl jang đảng lơ̆m Grŭp athei jang đang ‘lơ̆ng hơnăp jang chĭnh trĭ; dôm tơdrong jang pơjing Đảng găh chĭnh trĭ, đon tơchĕng, jơhngơ̆m đon; tơdrong jang pơgơ̆r, dăr hơlen, dăr lăng, tơdrong jang krao hơvơn kon pơlei păng chĕp kơ̆l dôm khŭl tơpôl lơ̆m 2 sơnăm hơtuch jăl jang; hơdrin jang đang jơnei Tơdrong tơchơ̆t Hop akŏm XIII kơ Đảng bộ Grŭp.

Đơ̆ng rŏng hop akŏm âu, dôm kơdră đảng găh Anih jang Đảng kơ Anih radiô nơ̆r pơma Việt Nam gô pơgơ̆r jang kiơ̆ kơjăp, tơroi tơbăt, roi tơƀôh tơdrong kơsâp hla ar truh pơ đĭ kang ƀô̆,  đảng viên, bơngai jang teh đak lơ̆m đĭ đăng đảng bộ.