Sơnăm 2023, jơnŭm pơgơ̆r jang 389 dôm anih jang tơm, dôm tơring hlôi ƀôh păng sek tơlang tơtom lơ tơdrong pơm glăi, tĕch pơdro pơgâ̆m pơjĭp, tĕch pơdro tơmam drăm yah, tơgop vei sơđơ̆ng tơpôl chĭnh trĭ, sơđơ̆ng tơpôl hơrih xa, sơđơ̆ng kơjă tĕch răt lơ̆m tơring. Dôm anih jang kơpal, rim tơring ƀôh băt, rôp vei, sek tơlang hloh 146 rơbâu 600 ‘măng pơm glăi, tŏk jê̆ 5% pơtêng hăm khei năr âu sơnăm sơ̆.

Kơsô̆ jên đei iŏk tơmơ̆t lơ̆m jên mong teh đak hloh 14.800 tih hlj, tŏk 17% pơtêng hăm khei năr âu sơnăm sơ̆, tơkêng 616 ‘măng glăi hăm 724 ‘nu bơngai pơm yoch. Minh ƀar nơ̆r tơgop ah hop akŏm ră hơdah, tơdrong tĕch tơmam pơjĭp, tơmam yah oei tơnap kơ hơlen, iŏk yua mạng tơpôl păng hrơ hrau lơ̆m dôm tơdrong chơ pơdŭ tơmam drăm kiơ̆ lơ trong.