Tơdrong jang yua đơ̆ng Học viện drŏ kăn Việt Nam păng Hnam trưng đăi hŏk Chonnam Hàn Quốc jang hơdai pơgơ̆r, hăm tơdrong vang akŏm đơ̆ng bơngai jang khoa hŏk kơ Việt Nam, Thái Lan păng Trung Quốc. Kiơ̆ tơroi tơbăt đơ̆ng Anih jang vei lăng năm mơ̆t oei tơ̆ nai apŭng plĕnh teh sơnăm 2022, jô̆ pơhlom lơ̆m apŭng plĕnh teh đei 281 triệu ‘nu bơngai năm oei tơ̆ nai apŭng plĕnh teh sơnăm 2020, hơtŏ hăm 3,6% kơ sô̆ kon pơlei jơ̆p plei teh. Kơ sô̆ bơngai năm oei tơ̆ nai apŭng plĕnh teh hlôi tŏk lơ̆m 5 jĭt sơnăm âu ki. Mă lei, hơdai hăm ‘noh oei đei tôch kơ lơ tơdrong ƀơm truh năm oei tơ̆ nai nhen: Tơdrong sơđơ̆ng oei sa tơpôl, sơđơ̆ng lơ̆m năm oei tơ̆ nai păng sơđơ̆ng jang sa ăn bơngai năm oei tơ̆ nai.

‘Nâu jĭ dôm tơdrong kăl kơ đei bơngơ̆t truh tơchĕng hơlen lơ hloh. Yua thoi noh, tơ̆ hop akŏm, dôm bơngai hŏk jrŭ, dôm bơngai tang măt kơ Việt Nam, Hàn Quốc, Thái Lan păng Trung Quốc akŏm pơma dơnuh lơ̆m 4 tơdrong tơm ‘noh; Năm oei tơ̆ nai păng dôm tơdrong drŏ ‘nglo drŏ kăn; năm oei tơ̆ nai păng vei lăng jơhngơ̆m pran; năm oei tơ̆ nai păng vei lăng tơgŭm tơpôl; tơdrong nai ƀơm truh năm oei tơ̆ nai.