Vă hơmet ăn Hop akŏm rim hơnih bơ̆ jang ƀơm truh hlôi iung jang pơjing trong pơprŏ; truh dang ei sơng iŏk đei 70 ƀai chih pơma dơnuh.

Rim ƀai chih au akŏm pơm hơdăh hloh dơ̆ng tơdrong chĕp pơgơ̆r đơ̆ng Đảng lơ̆m ‘măng iung tơblăh tang găn Phalăng, mă kăl trong chĕp pơgơ̆r đơ̆ng Đảng, Kơdră chĕp pơgơ̆r teh đak Hồ Chí Minh, Tổng Quân ủy (dang ei noh Quân ủy Trung ương), Hơnih tơm Ƀô̆ đô̆i păng tơdrong hơmet ăn kơ jăp iăp kơtang ‘măng iung tơblăh đơ̆ng ƀô̆ đô̆i păng kon pơlei bơ̆n lơ̆m ‘Măng tơblăh vang Điện Biên Phủ sơnăm 1954. Tơchĕng hơlen pơm hơdăh trong pơgơ̆r tơblăh, tơdrong tơm pơm ăn iŏk đei jơnei, tơdrong gĭt kăl kơchăl sơnăm păng kiơ̆ yok, ƀôh hơdăh đơ̆ng Iŏk đei jơnei Điện Biên Phủ.

Hop akŏm au gô đei pơgơ̆r lơ̆m năr 27-3-2024 kơnh, tơgop pơm hơtŏk hơnăp jang kơ kang ƀô̆, ƀok thây kô, hŏk viên, ƀô̆ đô̆i kơ Học viện Chính trị, Hơnih tơm Ƀô̆ đô̆i păng kang ƀô̆, bơngai jang kơ Viện Lịch sử Đảng, Học viện Chính trị quốc gia Hồ Chí Minh hăm Ƀăo Quân đội nhân dân hăm tơdrong jang tơ iung pơjing păng vei lăng Teh đak Việt Nam xã hội chủ nghĩa lơ̆m chăl hle.