Tơ̆ hop akŏm, rim kơdră tang măt hlôi pơma dơnuh, tơlĕch rim trong jang atŏk tơ iung mŭk drăm-tơpôl 6 khei hơtuch sơnăm.

Iung pơna tơ̆ Hop akŏm, ƀok Phạm Ngọc Nghị, Kơ iĕng kơdră chĕp pơgơ̆r Đảng dêh char, Kơdră chĕp pơgơ̆r Hơnih vei lăng kon pơlei dêh char Dak Lăk athei rim kơdră đảng, kơdră tơring, rim hơnih jang hơnơ̆ng tơplih ‘nao, atŏk kơtang bơ̆ jang ‘lơ̆ng, jơnei bơ̆ jang chĕp pơgơ̆r, dăr lăng, pơrô̆ tơlĕch jang kiơ̆ rim tơdrong tơchơ̆t, nơ̆r athei jang kiơ̆ đơ̆ng Trung ương, đơ̆ng dêh char; atŏk kơtang dăr lăng, atŏk kơtang bơ̆ jang ‘lơ̆ng tang găn sa pơgơ̆m pơjĭp păng hơmet ‘nao trong bơ̆ jang. Mă kăl rim tơring hơnih jang kăl iung jang kơtang, tĕnh koăng xek tơlang rim tơdrong ‘nao ƀôh ou to.