Hop akŏm âu đei năng tôch gĭt kăl vă bơ̆ jang đei yoa ‘lơ̆ng hơnăp jang đơ̆ng Khul pơgơ̆r jang kơ tơring, vang pơma nuh găh dôm tơdrong oei tơhlăk, "chĭt găn trong" jang tŏk păng tơlĕch tơdrong tơm, trong jang, pơgơ̆r bơ̆ jang tơ̆ hơnăp kơnh; tưk tơiung jang hơdoi lơ̆m tơring, hăm dôm tơring nai vă năm truh đon pơhnŏng jang tŏk Tây Nguyên “Rơgŏh – ‘Lơ̆ng hơiă – Kơjăp đunh”. Bơngai dơ̆ng tang ăn dôm Anih tơm, anih jang kơpal kơ trung ương, dôm tơring tơ̆ Tây Nguyên, dôm bơngai juăt jang păng bơngai jang khoa hŏk vang truh hop akŏm păng tơgop lơ nơ̆r vă Tơproh hơmet trong jang. 

Truh dang ei, tơdrong tơproh hơmet ăn tơring Tây Nguyên hlôi đei gơih ăn dôm anih tơm, anih jang kơpal, tơring tơrang vă chă iŏk nơ̆r tơgop. Anih tơm hlôi iŏk đei lơ nơ̆r tơgop gĭt kăl vă dar deh hơmet pơ ‘lơ̆ng trong tơproh jang păng đơ̆ng rŏng kơ hop akŏm mă 2, oei gô dơ̆ng lơ tơdrong tơgop đơ̆ng dôm anih tơm, anih jang kơpal, tơring tơrang păng dôm bơngai jang khoa hŏk vă Tơproh trong jang tŏk ăn tơring Tây Nguyên mă lăp hăm trong jang tŏk đunh đai kơ teh đak, hơnhăk Tây Nguyên jang tŏk rơgŏh ‘lơ̆ng păng pran kơjăp, lăp hăm tŏ ‘mi kial tơplih.