Tơ̆ jơ hop akŏm âu, dôm bơngai tang măt pơma nuh găh: nơ̆r athei chih pơjing Luơ̆t vei lăng, iŏk yoa phao kơtoang, tơmam đôh păng dôm tơmam tơgŭm nai; athei hơmet ming, chih tơmât dơ̆ng luơ̆t Kuang kăo; Tơdrong tơlĕch hla ar chih hơgăt luơ̆t mă rơđăh păng pơtho tơƀôh jang kiơ̆ luơ̆t, tơdrong tơchơ̆t, Tơdrong hơgăt đơ̆ng Quốc hội, Anih chĕp kơ̆l pơgơ̆r Quốc hội hlôi đei yoa, tơdrong tơchơ̆t đơ̆ng Quốc hội, Anih chĕp kơ̆l pơgơ̆r Quốc hội tơlĕch.

Pơma tơ̆ jơ hop akŏm, Thủ tướng Phạm Minh Chính pơma truh jơhngâm đon tơnăp vă hơtŏk tơdrong hơmet ming, athei hŭt ƀiơ̆ dôm hla ar ưh kăl, tơjur ƀiơ̆ tơdrong apinh - song, tơjur ƀiơ̆ jên pơm hla ar, tơdrong pơmat tat, hơdrom băl, pơjing tơdrong ‘lơ̆ng ăn kon pơlei păng anih tĕch mơdro vang tơlĕch jên lăp ‘lơ̆ng păng hơtŏk tơdrong dăr lăng; hơlen năng tơdrong kiơ athei chĕp vei, tơdrong kiơ athei hơmet ming, tơdrong kiơ athei hŭt lê̆.

Thủ tướng akhan, dôm tơdrong đei pơma lơ̆m hop akŏm âu jĭ dôm tơdrong gĭt kăl ngăl; dôm bơngai tang măt athei akŏm đon rơgei, pơma nuh mă nhen hăm dôm tơdrong kăl, oei đei lơ nơ̆r pơma phara băl, pơm lăp hăm khei ‘năr hơgăt, iŏk đei tơdrong ‘lơ̆ng lơ̆m hop akŏm.