Tơ̆ hop akŏm, dôm anih jang kơpal, tơring tơrang tơblang hơdăh păng tơlĕch lơ nơ̆r athei hơmet ming vă sek tơlang dôm tơdrong oei tơhlăk, hơdrom băl đơ̆ng hla ar chih hơgăt luơ̆t dang ei hăm tơdrong jang atŏk tơiung mŭk drăm, tơpôl.

Nơ̆r pơma lơ̆m hop akŏm chih hơdăh, dôm anih jang kơpal, bơngai jang tih gơ̆h tơlĕch hla ar hơgăt luơ̆t păng dôm anih jang đei ƀơm truh athei tơchĕng hơlen, iŏk yoa tơdrong hơlen năng đei chih tơroi đơ̆ng Khul kơdră tĕh đak mưh chă hơlen năng dôm hla ar hơgăt luơ̆t vă tơchĕng hơlen, kơchăng tơlĕch trong sek tơlang dôm tơdrong oei tơjră băl, hơdrom băl, tơdrong ưh kơlăp mưh bơ̆ jang tơdrong jang kơdih găh tơdrong pơjing păng hơmet pơ ‘lơ̆ng khôi luơ̆t. 

Pơma pơtôch hop akŏm, Phó thủ tướng Lê Minh Khái athei Khul chih hơmet chă răp mơ̆ng, chih iŏk dôm nơ̆r pơma vă chih hơmet pơ ‘lơ̆ng hla ar tơroi gô ‘năr 26/9 kơnh tơroi ăn Khul kơdră tĕh đak pơdrơ̆ng nơ̆r păng roi tơbăt ăn Quốc hội lơ̆m hop akŏm ‘măng mă 6 truh.