Iung pơma tơ̆ Hop akŏm, tang măt ăn rim dêh char Gia Lai, Kon Tum, Đắk Nông, Đắk Lắk, Bình Phước hlôi đei nơ̆r pơma apĭnh tôch hơdăh, vă pơtrŭt kơtang mơ̆t lĕch, tĕch mơdro tơmam drăm, tơpôl ƀar păh rim dêh char sơlam teh đak.

Găh păh dêh char Gia Lai, Hơnih vei lăng kon pơlei dêh char athei Kuôk hô̆i 3 teh đak đei trong jang tơgŭm djru gĭt kăl ăn tơring Kơlang atŏk tơ iung nhen Trong jang tơgŭm tơmơ̆t jên jang thuê̆ tĕch răt tơjur tŏ sĕt, trong tơgŭm hơvơn jên jang, atok kơtang jang hơdoi tơlĕch jang rim tơdrong vă jang găh pơgang ƀar păh 2 teh đak.Pơtôch jơ bơ̆ jang, ƀok Vũ Hải Hà-Kơdră jang lơ̆m Hơnih chĕp pơgơ̆r Trung ương Đảng, Kơdră chĕp pơgơ̆r Hơnih jang Hơpeh hơpong Kuô̆k hô̆i teh đak bơ̆n tơbăt: Dôm nơ̆r tơgop ‘nŏh tôch gĭt kăl vă Kuô̆k hô̆i 3 teh đak hơnơ̆ng yak hơdoi, pơtrŭt rim trong jang tơgŭm ăn tơring, vei lăng kơjăp sơđơ̆ng, tơ iung pơjing trong sơlam teh đak rơngei hiôk hian, ‘lơ̆ng hơ iă păng atŏk tơ iung, ba tơgoăt tơgoăl 3 teh đak, 3 Kuô̆k hô̆i roi năr roi kơtang hloh dơ̆ng.