Dôm nơ̆r pơma dơnuh tơ̆ Hop akŏm tơƀôh rơđăh dôm tơdrong tam mă ‘lơ̆ng păng apĭnh trong jang vă hơtŏk loi dơ̆ng jang hơdai lơ anih jang bơ̆jang kiơ̆ dôm tơdrong hơgăt păng hơnăp jang đơ̆ng Trong tơlĕch jang teh đak lơ anih jang Mĭnh jơhngơ̆m pran.

Phŏ Kơdră Anih tơm vei lăng choh jang sa păng hơtŏk tơiung tơring tơrang Phùng Đức Tiến pơma hơdăh, Hop akŏm pơma hơdăh dơ̆ng nơ̆r pơkăp hơtŏk loi dơ̆ng jang hơdai lơ̆m tơdrong jang tang găn jĭ hơbuh đơ̆ng sem tơrong ƀơm tơ̆ bơngai; hơtŏk loi dơ̆ng hơnăp jang tơm, pơgơ̆r păng vei lăng đơ̆ng Anih tơm vei lăng choh jang sa păng hơtŏk tơiung tơring tơrang hăm tơdrong jang hơdai Mĭnh jơhngơ̆m pran găh tang găn jĭ hơbuh đơ̆ng sem tơrong ƀơm tơ̆ bơngai; krao hơvơn dôm pang kơchăng, hơdrin jang hơdai păng tơgŭm băl lơ̆m tang găn jĭ hơbuh.