‘Nau tơdrong kơtơ̆ng ang đei tơbăt tơ̆ Hop akŏm Lơ̆m teh đak Pơtôch bơ̆ jang dăr lăng 6 khei blŭng sơnăm păng tơlĕch tơdrong jang 6 khei hơtuch sơnăm. Ƀok Trần Cẩm Tú, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Hơnih bơ̆ jang Dăr lăng Trung ương pơm tơm Hop akŏm.

Iung pơma tơ̆ Hop akom, ƀok Trần Cẩm Tú  tơbăt: Hloh đơ̆ng Dăr lăng tơgop atŏk kơtang tơdrong chĕp pơgơ̆r, jơhngơ̆m pran kơ rim hơnih đảng păng tang găn kĕ ƀiơ̆ rim jơhngơ̆m đon tơchĕng ưh kơ trŏ lăp, ưh kơ ƀlep lơ̆m tơdrong jang chinh trĭ, jơhngơ̆m đon, hơrih sa kơ mĭnh ƀar ‘nu kang ƀô̆, đảng viên. Ƀok Trần Cẩm Tú athei Hơnih bơ̆ jang Dăr lăng Trung ương hăm Hơnih jang Dăr lăng rim hơnih iung jang kiơ̆ kơjăp trong pơprŏ jang, atŏk bơ̆ jang ‘lơ̆ng khul kang ƀô̆ bơ̆ jang dăr lăng rim hơnih.