Iung pơma tơ̆ Hop akŏm, Kơdră chĕp pơgơ̆r Hơnih chĕp pơgơ̆r Trung ương Trương Thị Mai pơma hơdăh athei hơnơ̆ng atŏk kơtang bơ̆ jang dăr lăng, lăng hơlen kăl akŏm lơ̆m dôm tơdrong jang, tơring kăl ƀônh đei pơm ăn truh tơdrong sa pơgơ̆m pơjĭp, tơdrong glăi.

Hơdrô̆ hăm dăr lăng mư̆h đei ƀôh đei tơdrong pơm glăi, yă Trương Thị Mai akhan, ‘nau jĭ tơdrong jang kăl kơ Hơnih bơ̆ jang Dăr lăng Trung ương păng Hơnih jang au to, kiơ̆ kơ ‘noh đơ̆ng blŭng jăl jang truh dang ei, hloh dăr lăng đei ƀôh pơm glăi đei hloh 1.400 hơnih jang đảng păng hloh 66.000 ‘nu đảng viên đei kih luơ̆t. Lơ̆m au măt bơngai kang ƀô̆ kih luơ̆t đei 83 ‘nu kang ƀô̆ găh Trung ương vei lăng. Yă Trương Thị Mai athei, bơ̆ jang dăr lăng lăng hơlen kăl hơlen mă brĕ, kơchăng, tơpăt, tơtom ƀôh dôm tơdrong pơm glăi ‘nao tơtom xek tơlang pơ ‘lơ̆ng.