Iung pơma pơgơ̆r blŭng a Hop akŏm, Kơ iĕng Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, tơdrong jang kơ Kuô̆k hô̆i jăl XV păng Jơnŭm vei lăng kon pơlei jăl jang 2021-2026 hlôi đei lơ tơdrong tơplih, tơlĕch rim trong jang vă jang kiơ̆ ‘lơ̆ng hơnăp jang dăr lăng, pơtho tơbăt tơdrong jang kơ Jơnŭm vei lăng kon pơlei, đơ̆ng tơdrong jang keh đang trong pơkăp jang truh tơdrong atŏk kơtang bơ̆ jang tơgoăt kơjăp ƀar păh Kuô̆k hô̆i, Hơnih bơ̆ jang Khul kơdră Kuô̆k hô̆i, rim hơnih bơ̆ jang kơ Kuô̆k hô̆i hăm Jơnŭm vei lăng kon pơlei rim dêh char, pơlei tơm.

Jơnŭm vei lăng kon pơlei jei đei lơ tơdrong hơdrin, tơplih ‘nao, tơchăr hơ iă lơ̆m pơgơ̆r jang kiơ̆ rim tơdrong jang; jang kiơ̆ kơjăp rim trong tơlĕch jang đơ̆ng Đảng, khôi luơ̆t Teh đak; tơlĕch jang kiơ̆ kơjăp rim Tơdrong tơchơ̆t, trong bơ̆ jang trŏ lăp tơtom tơdrong ‘meh vă yan au kiơ̆ tơring kơdih; tơgop kăl lơ̆m jang kiơ̆ rim trong tơlĕch jang atŏk tơ iung mŭk drăm-tơpôl, vei lăng sơđơ̆ng teh đak, sơđơ̆ng tơring, tơbôl kơ rim tơring păng pơđĭ lơ̆m teh đak.