Vang akŏm đei hlŏh 1.100 ‘nu bơngai tang măt dơ̆ng tang ăn hlŏh 11 triu đoàn viên lơ̆m teh đak. ‘Nâu jĭ tơdrong gĭt kăl đơ̆ng khul công nhân păng bơngai jang, pơih blŭng ăn chăl jang tŏk ‘nao đơ̆ng công đoàn. Hop akŏm mă 13 Công đoàn Việt Nam đei tơdrong jang hơlen năng dôm tơdrong jang đei kiơ̆ Tơdrong tơchơ̆t đơ̆ng Hop akŏm mă 12 Công đoàn Việt Nam, chih hơdăh tơdrong jang tơm đơ̆ng 2023 – 2028; Pôk rơih Khul kơdră chĕp kơ̆l Tổng Liên đoàn Lao động Việt Nam jăl 13.

Đơ̆ng 2018-2023, Công đoàn Việt Nam hlôi tơlĕch păng bơ̆ jang lơ tơdrong tơgŭm tih ăn đoàn viên, bơngai jang păng ‘nhŏng oh bơngai jang ƀơm ưh ‘lơ̆ng đơ̆ng jĭ Covid-19 hăm kơsô̆ jên vă jê̆ 6 rơbâu ti; Hloh 30 triu ‘nu đoàn viên, bơngai jang đei tơdrong arih xa pơmat tat đei khul năm ngôi, hmach thơ thou têt, pơlung, hơpăh tơmam ƀât “Têt Hơdai ‘lơ̆ng hơiă” hăm hlŏh 28 rơbâu ti hlak jên.