Tơ̆ hop akŏm, Anih vei lăng sơđơ̆ng teh đak pơma nuh, tơgop nơ̆r găh dôm tơdrong jang đei lơ̆m rim tơdrong, mă loi jĭ găh khul linh, vei sơđơ̆ng teh đak, jang tơbôl khei ‘năr âu ki; tơdrong tơlĕch jang kiơ̆ Tơdrong tơchơ̆t kơsô̆ 05 đơ̆ng Anih tơm Chinh trĭ jăl XIII găh pơgơ̆r hơmet khul linh kon pơlei đơ̆ng 2021-2030 păng dôm sơnăm đơ̆ng rŏng dơ̆ng; Tơdrong tơchơ̆t kơsô̆ 12 đơ̆ng Anih tơm Chinh trĭ jăl XIII găh hơtŏk tơdrong pơjing khul linh Công an kon pơlei rơgŏh ‘lơ̆ng, pran kơtang, gơ̆h hơgei, pơm lăp hăm tơdrong ‘mĕh vă, tơdrong bơ̆ jang lơ̆m chăl ‘nao.

Kơdră teh đak Tô Lâm athei, tơ̆ hơnăp kơnh hơnơ̆ng ‘moi kiơ̆, hơlen năng, kơchăng hăm rim tơdrong, tơchĕng hơlen, tơblang hơdăh, tơdra hơdrol rim tơdrong lơ̆m apŭng plenh teh, tơ̆ tơring păng lơ̆m teh đak, mă loi hăm dôm tơdrong tih, gĭt kăl ƀơm truh tơdrong vei sơđơ̆ng teh đak Việt Nam vă tơtom roi tơƀôh ăn Đảng, teh đak dôm trong jang, sek tơlang, ưh gơ̆h lê̆ đei tơdrong ưh tom băt hăm rim tơdrong.